À la une

An kreyòl- Rezime: Rezime aktyalite semèn nan sòti dimanch 25 pou rive Samdi kite 31 Jiyè 2021 an.

image

ExodeNews ap envite w swiv rezime tout aktyalite ki te pase pandan semèn nan, san retire san mete.

Sòti dimanch 25 pou rive samdi kite 31 jiyè a.

Jou dimanch kite 25 jiyè a, Lapolis te rive touye 2 bandi, nan echanj kout zam, pandan yo tap transpòte 100 katouch, yon revolvè kalib 22 ak yon fo zam, nan sant vil kwadèboukè, ri Stenio Vincent.

Stòp aksidan te fè konnen, sòti nan dat 19 pou rive 25 jiyè 2021 an, te genyen 18 aksidan sikilasyon kite fèt nan zòn : Moro, Miso, Mòn Sen Lwi, Taba, Dèlma 60, Ti Gwav ( Lwès), Milo ( Nò), Jan Rabèl ( Nòwès) ak Mòn Kabrit.Epi te genyen 43 moun kite blese ak 6 moun kite pèdi lavi yo.

Daniel Foote kise te anvwaye espesyal peyi Etazini an ayiti, nan kad yon vizit, te rankontre plizyè lidè tankou : Premye minis la doktè Ariel Henry, minis zafè entranjè a Claude Joseph, minis jistis la Rockefeller Vincent, direktè jeneral polis la Leon Charles, prezidan ti rès sena a ak reprezantan sosyete sivil la, vizit sa te pran fen jou Lendi kite 26 jiyè 2021 an.

Nan objektif pou avanse avèk ankèt sou zak asasina kite fèt sou Prezidan Jovenel Moise la, komisè gouvènman pòtoprens la, Mèt Bedford Claude te voye manda bay jij Wendell Coq Thélot, Badio Joseph Felix, Joseph John Joel, JAAR Rodolphe, Desir Gordon Phenil ak PALACIOS Mario Antonio paske yo ta enplike nan krim sa.

Konsèy defans jij Wendell Coq Thélot a kalifye sa kòm pèsekisyon politik manda Mèt Bedford Claude lanse dèyè Majistra Thelot a, nan yon konferans pou laprès avoka kifè pati konsèy defans la te fè konnen, yo pral atake desizyon sa devan tribinal refere.

Nan okazyon 106èm anivèsè okipasyon amerikèn nan peyi dayiti, mèkredi kite 28 jiyè 2021 an, plizyè dizèn moun te manifeste nan lari pòtoprens sou inisyativ Ansanm Òganizasyon Politik ki fè pati Opozisyon an, pou te denonse enjerans peyi etranje yo, nan zafè politik entènn peyi dayiti.

Nan jounen mèkredi 28 jiyè a, Nan yon nòt pou laprès DG ONA te sòti, li fè konnen, li bay 8 jou pou tout moun ki gen dèt pou enstitisyon an, ki gen plis pase 3 mwa, pou yo pase nan kès, pou yo di kōman yo deside peye kòb sa.

Nan lide pou Garanti eta de dwa epi pwoteje enterè leta ayisyen, Rezo Ansanm Kont Kòripsyon te denonse desizyon lakou siperyè dèkont ak kontansye administratif te pran pou pa tande rekou anilasyon kite fèt kont arete prezidansyèl 14 septanm 2020 an, kite nome konsèy elektoral pwovizwa a.

Doktè Lauré Adrien, kise Direktè Jeneral ministè sante piblik ak popilasyon an, te fè konnen, deja genyen 3500 moun ki resevwa vaksen modèna kont maladi Covid-19 la, nan divès lopital anndan peyi a.

Jij Tribinal premye enstans lan Me Bernard St Vil anile ansanm desizyon ULCC te pran kont doktè Boulos la,
aprè plizyè mwa depi Mr. Boulos pat janm reponn envitasyon lajistis te voye ba li pou l te vini bay detay sou detounman 65 milyon goud yo te ba li poul te konstwi kèk lojman sosyal.

Daprè ministè edikasyon nasyonal ak fòmasyon pwofesyonèl, sòti nan dat 26 pou rive 29 jiyè a, te genyen 124 677 kandida kite patisipe nan egzamen ofisyèl pou klas tèminal, nan tout 10 depatman peyi a. Minis edikasyon an, Madam Marie Lucie Joseph remèsye tout aktè kite bay patisipasyon yo pou egzamen an te kapab reyalize.

Samdi 31 jiyè 2021 an, Mèt Claudy Gassant kise ansyen kòmisè gouvènman pòtoprens la, mouri nan peyi sendomeng, daprè sa pwòch li te fè laprès konnen.

Exodenews la pou enfòme w !

image

PETIT FRÈRE Jean Rony Poito

Rédacteur

Laisser un commentaire





aucun commentaire pour l'instant