Accueil Articles Qui sommes-nous Contact
À la une Administration Culture décès Economie Éditorial Éducation En créole Environnement Insolite International Justice Les Evénements du Jour Médias MÉTÉO Musique Politique Promotion Publicité Religion Revue Santé Sciences Société Sport Stop Accident Technologie

An kreyòl- Rezime: Rezime aktyalite semèn nan sòti dimanch 30 me pou rive Samdi 5 Jen 2021 an.

ExodeNews ap envite w swiv rezime tout aktyalite ki te pase pandan semèn nan, san retire san mete.

Soti dimanch 30 me pou rive samdi 5 jen 2021 an.

Nan objektif pou lite kont fenomèn ensekirite a, jou dimanch kite 30 me 2021 an, plizyè inite anndan Lapolis la te mobilize pou pote yon kontwòl nan lari a, nan divès fouy kite reyalize nan zòn metwopolitèn nan, te genyen 126 kontravansyon kite anregistre, 69 machin te detente, 15 revolvè te kontwole, pami yo 2 te sezi, yo te kenbe 6 machin, 24 motosiklèt te kenbe tou ak 7 jewofa te sezi. Pandan tout jounnen sa a, lapolis te kontinye ak travay la. Epi yo te rive arete yon moun kite gen sou li yon fo kat fòs lame Dayiti (FAD'H).

Menm jan sa toujou fèt chak lane, nan jounen dimanch kite 30 me a kise te fèt manman yo, plizyè gwoup nan sosyete a te òganize kèk aktivite pou onore manman yo, pou mete yo an valè, plizyè fanm kite fèmen nan prizon kabarè te rive jwenn liberasyon yo nan jou sa.

Jou kite lendi 31 me a, nan yon bilan stòp aksidan bay yo fè konnen, soti nan dat 24 pou rive 30 me a, genyen yon total 18 aksidan sikilasyon kite rive fèt nan zòn : Dèlma 75, Maryani, Gresye, Boudon, Titanyen, Gran Gwav, Aken ak Mòn Jil. Toujou daprè Doktè Garnel Michel kise responsab stòp aksidan an, nan 18 aksidan sikilasyon sa yo te genyen 55 moun kite blese ak 7 moun kite rive pèdi lavi yo.

Toujou nan menm jounen lendi sa a, Komisè Gouvènman Tribinal Premyè Enstans nan vil Ti Gwav la, Mèt Jean Emmanuel René te ekri mèt Jean Danton Leger pou li vini bay bon jan detay jou vandredi ki tap 4 jen an nan tribinal la sou videyo kap sikile sou rezo sosyo yo kote Mèt Danton akonpanye ak kèk lòt akolit li tap distribiye manchèt bay moun nan vil la.

Nan yon nòt pou laprès responsab relijye yo ( Ministères des Cultes) mete deyò nan dat premye jen an, yo mande pou tout otorite espirityèl yo aplike tout mezi ki kapab anpeche maladi Kowonaviris la pwopaje plis nan peyi a, Evens Soufrant kise direktè jeneral enstitisyon sa a, mande pou kantite moun kap patisipe nan seremoni yo pa depase 25 moun sou 100 yon espas kapab kenbe, Pou fini Direktè Jeneral la mande pou tout moun kap frekante espas sa yo toujou mete mas yo nan objektif pou pwoteje tèt yo, fanmi ak zanmi yo.

Mèkredi kite 2 jen 2021 an, sou demand Delege Depatmantal Lwès la, M. Pierre Garry Bernadotte, reprezantan plizyè enstitisyon tankou: Vis Delegasyon Lewogàn, OAVCT, AGD, DCPR, DGI ak MEF te òganize yon reyinyon nan objektif pou kontinye devlope sinèji ki egziste ant plizyè enstans nan tout depatman lwès la, yo te pwofite diskite sou dekrè 26 me 2006 la, ki di tout machin ki gen motè pa dwe sikile sou teritwa nasyonal la san plak ak asirans.

Nan menm moman sa a, Prezidan Repiblik la SEM Jovenel Moise, tap resevwa nan Palè Nasyonal lèt kreyans ki akredite Sergey Melik-Bagdasarov kòm nouvo Anbasadè peyi Larisi nan peyi Dayiti.

Soti madi premye pou rive samdi 5 jen 2021 an, nan antre sid kapital ayisyèn nan, se te gwo gè kite pete ant nèg Ti Bwa ak Gran Ravin yo, anpil moun te blese ak bal, pou pi piti 4 moun pèdi lavi yo. Epi tout moun ki pèdi kay yo, ki pat ka rete nan zòn sa tèlman nèg ak zam tap tire, te oblije ale pran refij yo sou yon plas ki twouve'l nan fontamara.

ExodeNews la pou enfòme'w.

PETIT FRÈRE Jean Rony Poito

Rédacteur

En créole

Partager sur :

Laisser un commentaire
aucun commentaire pour l'instant

Voir aussi

Catégorie