À la une

An kreyòl- Rezime: Rezime aktyalite semèn nan sòti lendi 14 Jen pou rive Samdi 19 Jen 2021 an.

image

ExodeNews ap envite w swiv rezime tout aktyalite ki te pase pandan semèn nan, san retire san mete.

Soti lendi 14 pou rive samdi 19 jen 2021 an.

Aprè plizyè jou depi bandi ak zam te pran komisarya Pòtay Sen Jozèf la an otaj, jou kite dimanch 13 jen 2021 an, Plizyè inite nan Lapolis la te mennen yon operasyon, epi repran kontwòl komisarya sa. Anpil bandi ki fè pati baz krache Dife te blese ak bal.

Nan yon bilan stòp aksidan bay jou lendi kite 14 jen an, Doktè Garnel Michel fè konnen, soti nan dat 7 pou rive 13 jen an, te genyen yon total 17 aksidan sikilasyon ki rive fèt nan zòn Bèladè, Ènri, Dèlma32, Ti Gwav, Wout Frè ak Laboul. Toujou daprè doktè Michel nan 17 aksidan sikilasyon sa yo, te genyen
42 moun ki blese ak 4 moun ki pèdi lavi yo.

Nan yon dènye bilan otorite sanitè yo te pibliye sou koze kowonaviris la nan dat 14 jen 2021 an, MSPP fè konnen, genyen yon total 17048 ka ki konfime, 2726 moun ki lopital, 369 moun ki mouri ak 12612 moun ki rive trete, Nan sans sa responsab sante yo mande pou popilasyon an toujou aplike jès baryè yo pou evite maladi a pwopaje plis nan peyi a.

Nan menm jounen sa, Prezidan repiblik la, Jovenel Moise, te deside renouvle manda premye minis pou ti bout tan an, Claude Joseph pou yon 3 zyèm fwa. Pm Claude te pwofite remèsye Prezidan an, epi li anonse li pral travay plis nan objektif pou pi byen sèvi popilasyon an.

Nan objektif pou pote yon amelyorasyon sou koze ensekirite nan peyi a, jou madi kite 15 Jen 2021 an, plizyè inite ki fè pati Lapolis la, te mennen yon operasyon nan zòn Remi kise yon lokalite ki twouve li nan komin kwadèboukè. Nan operasyon sa 9 endividi ki espesyalize yo nan vòl ak fouy te jwenn arestasyon yo. Epi Yon lòt gwoup polisye ansanm ak DCPJ te tanmen yon operasyon nan menm moman sa, nan zòn Ti Tanyen, kote yo te rive libere 3 moun bandi ak zam te kidnape.

Nan fen jounen madi sa, responsab EDH yo te anonse nan yon nòt pou Laprès, yo dekouvri yon rezo mafia kap fonksyone anndan enstitisyon an, pandan yap touche chak mwa san yo pa janm travay, pou Fini, responsab Edh yo mande pou lajistis fè travay li.

Minis Jistis Ak Sekirite Piblik la Me. Rockefeller Vincent te enstale komite Pilotaj plan stratejik kap lite kont detansyon prevantiv pwolonje a jounen mèkredi kite 16 jen 2021 an. Prezidan komite a kise Mèt Levelt Milford fè konnen, komite a deja angajel poul travay sou sistèm jistis la nan Peyi a.

Nan yon konferans pou Laprès kite bay jounen jedi 17 jen an, sekretè deta ak kominikasyon piblik la, Frantz Exantus, te pale sou deplasman chèf leta nasyon an, kise Jovenel Moise,daprè sa Sekretè deta a fè konnen nan konferans sa, Prezidan Jovenel ale patisipe nan yon foròm diplomatik nan peyi Tuquie kap baze sou Sekirite ak Enèji.

Nan lannwit 17 jen sa, moun yo pa rive idantifye te mete dife nan kan bèbè ki twouvel nan zòn pis la, abitan ki tap viv nan kan an fè konnen leta ayisyen pat janm te konn voye je gade nan ki sitiyasyon kritik yo tap viv.

Jou kite vandredi 18 jen 2021 an, Mache Ti Thony te sibi gwo Dechoukay aprè nèg ak zam te penetre anndan biznis sa, Anthony Beneth kise pwopriyetè mache a fè konnen, li pap janm sispann travay malgre kou a di pou li.

Nan objektif pou fè leta konnen yap travay nan move kondisyon ak move moman yap andire nan dènye jou sa yo, samdi kite 19 jen an, anplwaye plas piblik yo te pale nan mikro Laprès pou fè pase revandiksyon yo.

ExodeNews la pou Enfòme'w !

image

PETIT FRÈRE Jean Rony Poito

Rédacteur

Laisser un commentaire





aucun commentaire pour l'instant